دقيقة صمت
المشهد الأول
يحدث هذا في المغرب، في كل يوم، و كل لحظة..
في إحدى الإدارات العمومية : موظف قد تشاجر للتو مع زوجته، و شيخ عجوز من قدماء المقاومين المغاربة في الأربعينيات.
- .............صمت...........
- السلااااام عليكم
- و عليكم ! آش كاين؟ آش داكشي آ سي؟
- الله يخلي ليك وليداتك بغيت واحد شهادة
- شهادة ديالاش، ديال لوفاة ؟ ياكما قريب تودع و نتهناو منك ؟
- لا آوليدي غير ديال الضعف.. بغيت ندير عملية ديال الجلالة و طلبوها لي فسبيطار..وانا معندي فلوس..فعمري 72 عام..و ولادي كلّ فين شدها..أوو..
- و مالي أنا السيدة ليلى؟ لاش كاتعاود لي قصة حياتك دابا ؟
- سمح لي آوليدي ما ديرهاش مني قلة صواب، رانا قد باك
- خالي عليك با فتيقار أو جمع راسك أو هدر ﯖول شنو بغيتي صباحنا على الله
- بغيت شهادة ديال الضعف آوليدي
- سير طلع لبيرو لفوق
- راه كنت عندهم دابا او ﯖالو لي نجي عندك..الله يجازيك بلخير آ ولدي
- أنا ما ولد حد! و ما مساليش دابا..وا سير عطيني بالتيساع صباح هذا
- الله يهديك آ سيدي راه وقت الظهر هذا..شوف من حالي الله يخلي ليك صحيحتك..راني مريض و ما بقات عندي صحة..
- وا عباد الله واش تا صمك؟؟ وا عطيني بالتيساع ! ! ! ! تفارق معايا! ! كون كنت بحالك نمشي نرمي راسي لتران يدوز علي و نتهنا..وا سير ولا نتكرفس عليك
- واخا آولدي.. نمشي نرمي راسي ل تران..أنا لي تحاربت مع فرانسيس باش نخرجوهم من البلاد..أنا للي ضيعت شبابي باش تتحرر هاد لبلاد..أنا للي جراو علي عيالات ولادي من داري..هانا ولاو ﭔﮝولو لي سير تموت! آش غادي ﻧﮝول ليك آ ولدي..الله ياخذ فيكم الحق ..الله ياخذ فيكم لحق
- واتا سيرضحك على راسك.. فين ما يجي شي سعاي مالقى ما يدير بحالك يبدى يعاود لينا فيلم هندي هنايا..وا سير قلّب على من تضحك
ها ها ها ها ها ها ها ها ها ها ها ها ها ها ها ها ها ها ها ها ها ااااااااااااااااا
رشيد
0 commentaires:
Enregistrer un commentaire