واحد البروفيسور في الطب واقف يعطي أول درس للطلبة ديالو في مادة التشريح، و كايشرح ليهوم الأولويات : أول حاجة خصها تتوفر في الطبيب الجراح هي عدم الخوف! واش فهمتو.. هوا يدير صبعو فالمنخار ديال واحد الجثة قدامو و جبدو و لحسو.. الطلبة كاين اللي جاتو الدوخة ملي شاف داك المنظر.. ولكن زعمهم البروفسور حتا دارو كلهم بحالو.. هو يقول ليهم : دابا الحاجة الثانية لي خصها تتوفر فالطبيب الجراح هي قوة الملاحظة ! انا دارت صبعي فالمنخار ديال الجثة ولكن لحست صبع آخر
جوج براكنة دخلو لحمام ولقاو كراطة واحد هويقول للآخر : وا ناااااااااااااااااري على مينورا قداش
واحد مريض بالأرق.. ماكيديهش النعاس! قاليه صاحبو عندي ليك الدواء.. ملي تبغي تنعس حسب من واحد حتال 500 و راك غادي تنعس.. فالليل مشا صاحبنا للفراش و بدا كايحسب.. واحد، جوج، ثلاثة،.. مائة و عشرين.. هو يبدا يجيه النعاس ناض بالزربة غسل وجهو و رجع يكمل
واحد العروبي سمع فالراديو باللي الشرب حرام.. سيمانة من بعد مات بالعطش
واحد أعمى فاق واحد النهار لقا راسو ولا كايشوف هو يتشل مسكين بالفرحة
واحد صنع منشار و كتب عليه حقوق النشر محفوظة 2009
0 commentaires:
Enregistrer un commentaire